六十六十火鍋 (已結業)

今日主要系想食粥底邊爐，所以叫左個粥底每位＄200 而且不設加一服務費。粥底邊爐     ＄200        70分先講下個粥底，打完邊爐後個湯底會鮮甜D，系清哂D火鍋料後店員會加入粟米、南瓜同芋頭再料蔥、冬菜、菜甫同埋豬油渣一齊佬埋黎煮會好食D，佢地仲會幫手煮溶D南瓜。個粥最後食都仲覺得幾好食，味道偏淡清清淡淡但不錯。海鮮    71分海鮮揀左鮑魚、多寶魚、蟶子皇、蠔、海蝦、刀貝，另外仲有兩款貝類系店家指定既，海鮮普遍都新鮮，海蝦放到上桌時都仲郁緊，要系表面放多個碟以免佢跳走，另外鮑魚都大隻，但根據經驗有D店會先拎走鮑魚入邊既黑色果袋野再上桌，而今次呢間系先煮熟客人再拎走，不過系屬於細心位黎而已。蠔份量幾多而且夠鮮，雖然比不上美國果D咁大隻，但呢到D蠔細細粒，食落都OK而且煮完之後無縮到好細粒。蟶子皇夠大隻食果時煮到岩岩好，好在無煮到太耐所以食落仲好爽口。火鍋配料     71分火鍋配料可以自選六款，分別揀左西班牙梅頭肉、鮮雞件、准山、花膠仔、萵筍同埋手打墨魚丸，首先講份量，個人覺得岩岩好，可以食飽而又吾會浪費食物，配料中有個較為出色既系個手打墨魚丸，睇得出真系手打之餘食落好彈牙