潮福蒸氣石鍋 (已結業)

外地朋友來香港旅行，他每次來都係食日式放題，我笑他豪無新意，今次決定迫他試試蒸汽鍋~潮福一定是不二之選，性價比高~今次揀左尖沙咀分店，交通方便，而且新裝修，光猛又新淨~一邊食一邊望住d游水海鮮~有無係水簇館餐廳食野既感覺？每位$338既半自助海鮮套餐，每位包一個燉湯，半隻乳鴿，半隻龍蝦，一份雜錦蜆，4樣自選海鮮，同埋一系列任食既食物同汽水啤酒涼茶~松茸菇螺頭湯湯頭有松茸味既香，螺肉既清甜~燒乳鴿，薄薄既皮又脆又香，咬落去肉嫩有肉汁~花甲同蜆，肉大無砂，味道鮮甜~自選海鮮揀左海蝦，象拔邦，鮑魚，桶蠔~桶蠔size非常大隻~食落肥美飽滿，啖啖肉好滿足~鮑魚本身調左味同加左蟲草花係面，都好鮮味同彈牙~龍蝦上面本身加左蒜蓉調味，本身鮮味欠奉，但質感唔錯，幾爽同嫩，友人好喜歡~我就比較喜歡海蝦，有鮮味得多，仲好爽好彈！手打丸類之中，我最愛蝦丸，啖啖蝦肉~和牛片同和牛粒，推介片，牛味濃，又有油膩香！我地都encore左幾次~~呢度既馬拉糕更加唔洗講，次次幾飽都要食幾件啊~~又鬆軟，又香！！最後仲有贈送飯後水果，香甜西瓜~特別一讚，阿姐服務好好，親切又有耐性會keep住繼續幫襯