本灣水產

營業中

休息中

慈雲山中心越變越乾淨企理， 今日應老豆老母嘅邀請，去開咗一排嘅本灣水產食海鮮。 成個環境其實似一個有冷氣嘅街市， 咩都有得賣， 但我地今日主力食海鮮。 四大兩小， 叫咗蝦、蜆、蟹、鮑魚、豬手同埋扇貝。 叫咗咗多樣野連加工大約一千蚊， 應該平過去西貢、 鯉魚門、 三聖等地方食。 海鮮全部都好新鮮， 加工味道比一般淡， 食到海鮮嘅鮮味。 反而隻豬手麻麻地， 建議買返屋企自己再炆炆佢會較好！ 街市裡面仲有好多其他唔同種類嘅食物， 例如、 壽司。 全個地方野食嘅價錢都算合理， 但全部都係自助形式， 想被服侍建議去返大酒樓喇！