I Leisure (已結業)

收工同阿媽上咗去間尖沙咀樓上酒吧食飯，就係因為之前知道呢度有個shake shake海鮮袋，好似幾特別。呢度裝修好有打卡feel。我哋上到嚟發現原來個汁係馬來西亞秘製醬汁，味道帶小辣，好有蒜香，非常之有風味。啲海鮮都幾新鮮，而且都幾大件。今次海鮮揀咗帶子、鮑魚、蝦、青口、蜆、入邊仲有啲腸仔，不過如果有薯仔就更好啦。食完真係非常滋味，好想encore。另外我點左個油金魚鮫，阿媽大贊非常美味，兩件都好有肉，而且啲魚肉係幾順滑，加上檸檬汁同埋酸汁，成件事好易入口。另外再點左麻辣小龍蝦，揀咗小辣，好易剝，食到停唔到口！