樂園潮州粉麵 (已結業)

由於我同老公你結婚前都係美孚住過，對美孚嘅環境同食肆都非常熟悉。 美孚都有好多號食肆,而呢間鋪歷史悠久，亦係我地其中一間favourite。我本來唔識食牛雜，但由於老公好鍾意食牛雜河， 感染到我都好鍾意食食埋一份。牛雜唔係好多食肆有，有亦唔多地方好食。好食嘅牛雜軟硬要適中，腸要林、清左腸臟內嘅肥膏唔肥膩，入味但唔太鹹，湯底香濃。呢間餐廳嘅牛雜河達到以上嘅requirements。加埋杯凍咖啡、加碟通菜就正晒。