影片
更多
2009-06-01
71 瀏覽
自數年前在椰林閣餐廳吃了一頓「難忘」的午餐後，一聽到「椰林閣」三個字便「聞風色變」，轉身便走。昨天，與母親大人搵食，見溫莎餐廳個餐牌幾吸引，便入去看過究竟。叫左兩個餐，一個係墨西哥燴豬扒件珍寶腸 (跟飯)，另一個係意式香草油醋汁田園蔬果沙律，餐湯則要羅宋湯。 羅宋湯: 老實講，小妹真係未試過係食肆試到咁多料既羅宋湯。兩碗羅宋湯內「菜料齊全」，包括大大塊的椰菜、洋蔥、紅蘿蔔、薯仔，仲會有一舊大大舊的牛腩。(見圖)... 因為足料，所以個湯好濃味... 同埋好少味精 ~ 同時因為佢 D 蕃茄煲得好融，所以好夠味，值得一讚﹗ 墨西哥燴豬扒伴珍腸 (跟飯): 呢個就係典型西餐廳既豬扒腸仔飯.. 個汁較杰，好似美心既焗豬扒飯醬汁既味度 ~ 因為佢有唔少菠蘿伴碟，食落去感覺更清新; 佢塊豬扒就一般貨色，肥肉就一定有，唔算好好味又唔算好差。最後條腸仔都 OK，冇話因為係午餐而縮水，收貨啦﹗ 意式香草油醋汁田園蔬果沙律: 首先，佢真係好大盤哩﹗緣緣的菜，唔會因為價錢而縮皮，清新爽甜﹗而佢加入左唔少水果.. 有火龍果、罐頭桃、蘋果; 伴菜有黃椒和紅椒，全部都係新鮮的﹗而佢面頭都有少少芝士粉和麵包碎 (學
昨天，與母親大人搵食，見溫莎餐廳個餐牌幾吸引，便入去看過究竟。叫左兩個餐，一個係墨西哥燴豬扒件珍寶腸 (跟飯)，另一個係意式香草油醋汁田園蔬果沙律，餐湯則要羅宋湯。
羅宋湯: 老實講，小妹真係未試過係食肆試到咁多料既羅宋湯。兩碗羅宋湯內「菜料齊全」，包括大大塊的椰菜、洋蔥、紅蘿蔔、薯仔，仲會有一舊大大舊的牛腩。(見圖)... 因為足料，所以個湯好濃味... 同埋好少味精 ~ 同時因為佢 D 蕃茄煲得好融，所以好夠味，值得一讚﹗
墨西哥燴豬扒伴珍腸 (跟飯): 呢個就係典型西餐廳既豬扒腸仔飯.. 個汁較杰，好似美心既焗豬扒飯醬汁既味度 ~ 因為佢有唔少菠蘿伴碟，食落去感覺更清新; 佢塊豬扒就一般貨色，肥肉就一定有，唔算好好味又唔算好差。最後條腸仔都 OK，冇話因為係午餐而縮水，收貨啦﹗
意式香草油醋汁田園蔬果沙律: 首先，佢真係好大盤哩﹗緣緣的菜，唔會因為價錢而縮皮，清新爽甜﹗而佢加入左唔少水果.. 有火龍果、罐頭桃、蘋果; 伴菜有黃椒和紅椒，全部都係新鮮的﹗而佢面頭都有少少芝士粉和麵包碎 (學凱撒沙律？﹗)... 不過麵包碎太細粒同埋燶左少少，影響了口感。而佢既醋就唔夠濃，如果可以落多少少就會更加開胃了。不過，以$27 連湯連麵包，有咁既質素，真係物超所值啊﹗
食完後發現溫莎餐廳原來係椰林閣集團既成員，母親大人仲話特登唔同我講... (因為佢知我一直都唔鍾意「椰林閣」的。) 可是，過了今天，我開始對「椰林閣」改觀了﹗所以，係眾多劣評之中，小妹仍會比第五個笑面給溫莎餐廳的﹗
張貼
