泰Cool

營業中

休息中

好耐冇去淘大花園了，今晚去左個邊食飯，呢間泰cool，非常好。地方又大，裝潢優美，充滿泰國色彩，坐位又舒服，是籠雀sofa設計。我同朋友點了香芒蟹肉炒飯，鐵板蠔仔蛋，泰式明爐烏頭，飲品點了三色冰同菠蘿沙冰，全部都非常出色，大大碟食到勁飽啊。先來香芒蟹肉炒飯，芒果很鮮甜美味，炒到粒粒分明，蟹肉料多，好食。鐵板蠔仔蛋，很抵食啊，好大碟，蛋入面有好多蠔，啖啖都食到，配埋辣醬，很惹味，底嘅芽菜都好好食，吸晒精華，全碟清晒，好食。泰式明爐烏頭，同平時食嘅泰式菜一樣正宗，酸酸辣辣很醒胃，湯底有肉碎，茹等好食，加了很多配料令到味道豐富，魚新鮮鮮甜，喜歡佢比多碗湯，可以邊食加埋湯食勁正啊。飲品大大杯，非常高身的杯呀，哈哈，菠蘿沙冰菠蘿味濃，三色冰都又抵又好飲，整體好食，環境又好，推介。