茶舍 (淘大商場2期)

營業中

休息中

小犬帶來的八號風球，享受了半日風假，就搞到放唔到工，成七點半先收工，好肚餓，先食個晚飯再回家去。同事話去Donki買野，咁就去淘大食啦，揀左食茶舍，呢間餐廳人氣滿滿，幾點黎到都坐滿人㗎😆一坐落就快快用枱上個qr code落單先，介面都有少少複雜，睇睇先。⭐沙律落完主菜再加個至尊套餐，咁就有沙律、餐湯同甜品，都幾抵呀～沙律菜新鮮，麻醬同咩都夾㗎。⭐濃蝦湯餐湯是濃蝦湯，正常西湯味。⭐咖喱吉列豬扒蛋包焗飯自己點左蛋包飯，意外地多飯😳一睇就覺得食唔哂添…個蛋幾嫩滑，配上珍珍米好好食，豬扒香脆，咖喱汁偏甜少少，但都有香料香㗎。⭐咖喱牛腩焗飯同事都係揀咖喱，不過就係焗飯。有幾大件牛腩同薯仔，調味同蛋包個咖喱有啲唔同喎，佢呢款帶少少辣。不過焗飯真係要小心食，超勁熱好燙口😆⭐央走茶走就飲得多，試下央走，同事仲揀左多奶多甜，哈哈，佢話真係好甜，喂喂，你自己揀㗎嘛👍⭐凍杏霜自己點了凍杏霜走甜，走左甜就啱啱好，微微嘅甜度帶有杏仁香👍⭐芝士蛋糕跟餐蛋糕有原味、朱古力同柚子三種口味，要左後兩款。朱古力都幾香濃，但就偏硬少少。柚子香甜不膩，勁正，推介揀呢款😋飯好大盤食唔晒呀，超飽，再加上蛋糕，真係超滿足。