Jo Jo Indian Cuisine

營業中

休息中

去西貢玩無意發現呢間印度餐廳，突然間好想食啲重口味嘅印度菜，於是入咗去。佢嘅環境幾有情調嘅，但係餸菜真係唔得。Samosa 呢個咖哩角完全唔掂，佢個皮唔算厚，係適中， 不過唔酥脆， 有啲厚實嘅感覺 。 而且佢個餡料係冇香料， 食唔到咖哩味、薑黃味、或者茴香味。 簡直就係侮辱咗咖哩角。 裡面只有薯蓉同青豆，無味。Kesri pulao 印度黃飯， 啲飯煮得粒粒分明係幾好嘅，亦都夠乾身，但係重點係冇味！點解佢呢間餐廳嘅印度菜係冇味？ Saag paneer 雜菜芝士咖哩， 質地都杰身，但係佢個口味唔重，冇乜落香料。而且佢嘅cottage cheese 真係少之又少，亦冇芝士味。我唔知佢係咪想迎合外國人嘅口味，所以佢哋印度菜唔係好正宗，唔係好夠味。