深井陳記燒鵝 (已結業)

想食燒鵝，未必一定要入到深井！老字號陳記，原來已經進駐咗新界東，喺將軍澳天晉有分店！將軍澳嘅朋友，唔使四圍去喇睇地址，餐廳好似有少少遠，其實地鐵商場有條天橋接駁，基本上5分鐘就已經行到喇。今晚晚市，揀咗三個小菜，全部質素都唔錯，適合一家大細。// 燒鵝（下庄）// 餐廳話用咗祖傳嘅秘方醃製燒鵝，的確燒鵝嘅底味好香，唔會過鹹。燒鵝皮仍然脆身，肉質好新鮮，下庄都係158，呢個燒味價錢其實都幾抵。份量非常足，其實夠三個人以上。燒鵝好肥美，油香十足。鍾意食飯嘅朋友，好好送飯。// 黑椒牛仔骨 // 好耐冇食過牛仔骨，好有鑊氣，而且黑椒味啱啱好。火喉啱啱好，唔會太老。// 魚香茄子煲 // 有驚喜，少少鹹魚嘅香氣，海量嘅肉碎，令到茄子煲個層次好豐富。平時屋企好少煮呢個餸，去餐廳食晚飯都會好想食吓。