能記飯店

營業中

休息中

同長期居住外地嘅朋友晚飯，特登揀啲只有香港先可以食到嘅美食。燒鵝雖然外地都可以食到，但一定不及深井的原汁原味。今晚嘅四人套餐有燉螺頭湯，燒鵝半隻，豉油王鵝腸，籠仔翡翠豆腐，同埋椒絲腐乳炒通菜。燉螺頭湯非常足料。雖然套餐係四人份量但四個人每人分到兩碗有多。燒鵝色澤不錯，但係皮可以更脆。鵝本身唔係太肥，可能係因為季節關係，但其實係一件好事，唔使每次都撕走皮同肉之間的肥膏。豉油王鵝腸浸得入味，可惜同而家絕大部份餐廳一樣，鵝腸內嘅肥膏早已去掉，失去了肥膏的甘香味。不過同行的朋友依然非常欣賞。籠仔翡翠豆腐份量好多，清清淡淡中和了燒鵝的肥膩。通菜炒得有鑊氣。