影片
更多
2014-08-28
1123 瀏覽
今晚又到宵夜時間，同三個朋友慢慢揸車到元朗搵野食，遊到教育路見到一間，未食過既點心舖，而且望落光猛新淨，決定入去一試。 入到店內可以用「逼」黎型容，不過逼之餘都好乾淨企理，坐低店員馬上以笑容問我地飲咩茶，回答後我地開始剔紙點野食。 飲住d無咩茶味既香片等左十分鐘唔夠，食物奕逐一上枱。先講講個燉湯，飲落唔係好夠味，普通到唔普通。兩個蒸飯都算幾特別，佢地用荷葉一齊蒸，唔同一般盅頭飯，而且排骨飯既排骨食得到肉入面慘出辣味，相反蒜蓉蝦飯既蒜蓉令飯有小小苦，飯都無蝦味，相比之下蝦飯比較失色。點心拼盤，有用粉包住既都互相黐實，或黐實籠底既紙，可惜佢地外觀同味道都做得唔錯，比d粉皮扣晒分。綿花雞佢地既綿花用上豬皮而唔係魚肚，本來好失望，不過食落豬皮煮得非常腍，令口感近似魚肚，雞件都非常嫩，依個點心，正。至於最後既炸鯪魚球......無突別，無驚喜。就咁食完，多謝幫襯。 今餐食物質素唔錯，款式又夠多，服務都好好，突別係今次全間店坐爆既情況下，我每次打開茶壺蓋示意加水，店員唔洗一陣就跟到眼，而且裝修新穎，以上幾點比好多同區同款既餐廳都優勝，係唯一店面太細真係坐得唔舒服，依間店絕
入到店內可以用「逼」黎型容，不過逼之餘都好乾淨企理，坐低店員馬上以笑容問我地飲咩茶，回答後我地開始剔紙點野食。
飲住d無咩茶味既香片等左十分鐘唔夠，食物奕逐一上枱。先講講個燉湯，飲落唔係好夠味，普通到唔普通。兩個蒸飯都算幾特別，佢地用荷葉一齊蒸，唔同一般盅頭飯，而且排骨飯既排骨食得到肉入面慘出辣味，相反蒜蓉蝦飯既蒜蓉令飯有小小苦，飯都無蝦味，相比之下蝦飯比較失色。點心拼盤，有用粉包住既都互相黐實，或黐實籠底既紙，可惜佢地外觀同味道都做得唔錯，比d粉皮扣晒分。綿花雞佢地既綿花用上豬皮而唔係魚肚，本來好失望，不過食落豬皮煮得非常腍，令口感近似魚肚，雞件都非常嫩，依個點心，正。至於最後既炸鯪魚球......無突別，無驚喜。就咁食完，多謝幫襯。
今餐食物質素唔錯，款式又夠多，服務都好好，突別係今次全間店坐爆既情況下，我每次打開茶壺蓋示意加水，店員唔洗一陣就跟到眼，而且裝修新穎，以上幾點比好多同區同款既餐廳都優勝，係唯一店面太細真係坐得唔舒服，依間店絕對會再黎幫襯。
張貼
