深宵食堂 (已結業)

之前去過深宵食堂o係銅鑼灣既分店, 覺得唔錯, 所以今次就同朋友黎尖沙咀呢邊再食~ 尖沙咀店比較寬敞, 仲有戶外座位, 不過天氣熱成咁真係唔好攪XD 野食方面, 2間分店都有小小唔同~試左幾款新野之餘都有食番佢地既signature, 2個人叫左芝士蟹肉燒玉子, 蒲燒鰻魚飯, 蜜燒八爪魚(雞肉腸), 日式炒野菜, 一口牛, 鹽燒鯖魚同牛舌~ 呢個芝士蟹肉燒玉子係佢地既招牌, 裡面既芝士多到流出黎, 芝士味濃而且蛋煎得軟熟, 唔會太老, 中間見到夾左一層蟹肉, 但味道唔突出, 已經比芝士蓋過~蒲燒鰻魚飯唔算太大碗, 2個人share就可以試多幾款燒物, 鰻魚大塊而且軟嫩, 但唔夠多汁~蜜燒八爪魚其實姐係雞肉腸, 蜜糖落得夠哂多, 甜甜地都幾好食, 但就無咩特別~呢排食得太多肉所以點左份日式炒野菜, 上面仲有木魚, 但油份太多, 做唔到想食清淡d既效果~一口牛一份有2串, 賣相討好, 牛肉味濃但過熟, 好un~而呢串牛舌就好好食, 好香好爽口而且juicy, 係水準之作~最後既鹽燒鯖魚比想像中大份, 煎得魚皮微脆, 岩哂配啤酒~