正宗上海生煎皇 (已結業)

誤打誤撞黎到深水埗呢間生煎皇上海野，門口細細會行過左都唔知。之後一search 先知原來是由一位明星開的。店內沒有什麼裝潢，但近門口位就已經是廚房，由於用了玻璃所以都見到師傅係入面整小籠包。今次叫了好多食物，有蒜泥白肉，生煎包，小籠包，雞絲拌麵，同排骨菜飯。首先蒜泥白肉，D蒜泥都幾白，要知道喜歡食蒜泥白肉的人通常個重點都會落於青瓜部分。佢個青瓜好爽面且不是手拍的，個人幾喜歡。生薦包個皮太厚，即是係即叫即煎但個皮仍然太厚好難咬開，希望店家留意。小籠包唔錯，都有很多湯汁係入面。雞絲拌麵比想像中大碟，但實在太太太太多麻醬啦，食左幾啖已經覺得好膩，絕對需要減少麻醬或者俾客人自己加，麻醬另上～排骨菜飯沒有太特別，只是排骨有點乾。