影片
更多
2023-07-05
41 瀏覽
今日出咗深水埗，差唔多到晚飯時間，就喺OpenRice搵吓附近有啲咩好嘢食，見到呢間Supreme Steak & Grill 好多好評，咁我自己都鍾意食牛扒，就走過來試吓。幸好到嘅時候只係六點幾，餐廳未有太多人，沒有訂位之下亦都即刻有位，因為到我走嘅時候七點幾，間餐廳基本上全部爆滿，而且見到好多都係訂咗位嘅客人。餐廳佈置比較簡約，灰色牆身，冇太多裝飾，但係座位都比較闊落。用點餐紙自己剔要什麼食物，然後交給店員。有幾款扒類套餐，可選牛扒/豬扒/羊扒/魚等等，一個價錢連埋90分鐘任食薯條和一罐汽水/咖啡。我哋叫咗兩份牛扒，一份係安格斯肉眼扒，另外一份係安格斯封門柳。兩份都叫咗五成熟。封門柳肉味比較重，而安格斯就比較軟熟。兩件扒嘅質素都唔錯，拍得住高級餐廳，不過份量就不算大，同埋調味比較輕手，要配埋佢嘅黑椒汁來吃，其實佢係專食牛扒嘅餐廳，如果枱面預備海鹽同埋黑椒碎方便客人自己添加就會更加好。我自己食牛扒就鍾意多少少海鹽調味，唔鍾意點醬汁。佢嘅薯條係幼薯條，炸得好香脆，而且唔會油淋淋，好好食。其實餐廳都仲有一啲小食同埋沙律可以另外叫。
餐廳佈置比較簡約，灰色牆身，冇太多裝飾，但係座位都比較闊落。用點餐紙自己剔要什麼食物，然後交給店員。
有幾款扒類套餐，可選牛扒/豬扒/羊扒/魚等等，一個價錢連埋90分鐘任食薯條和一罐汽水/咖啡。
我哋叫咗兩份牛扒，一份係安格斯肉眼扒，另外一份係安格斯封門柳。兩份都叫咗五成熟。
封門柳肉味比較重，而安格斯就比較軟熟。兩件扒嘅質素都唔錯，拍得住高級餐廳，不過份量就不算大，同埋調味比較輕手，要配埋佢嘅黑椒汁來吃，其實佢係專食牛扒嘅餐廳，如果枱面預備海鹽同埋黑椒碎方便客人自己添加就會更加好。我自己食牛扒就鍾意多少少海鹽調味，唔鍾意點醬汁。
佢嘅薯條係幼薯條，炸得好香脆，而且唔會油淋淋，好好食。
其實餐廳都仲有一啲小食同埋沙律可以另外叫。
張貼
