沙巴泰越館

營業中

休息中

🐻家族一段時間無來深水埗，look下OpenRice 見到有間沙巴越泰館，有泰菜又有越菜，相當特別，🐻👩🏻心郁郁想試下。來到見到餐廳裝修好摩登鮮明，好colourful，仲播住輕快音樂，感覺好chill同深水埗有好大反差。🐻👩🏻望完餐牌見到有套餐咁方便，就點左個豐盛二人套餐都係$248，有前菜，主食仲包飲品呀，認真大件夾抵食。小食有泰式炸蝦餅，蝦餅啖啖肉，啱哂🐻👨🏽呢隻食肉獸，酸辣無骨鳳爪同泰式豬頸肉沙律，兩款酸酸辣辣好開胃。泰式辣椒膏炒蜆，辣中帶甜，蜆肉都唔少，食極都仲有。飛天通菜，豆醬味較濃，通菜幼細無渣，小小辣好惹味。泰皇燒雞，以香料醃製後燒烤，上枱見到半隻份量都好大，仲散發一股香烤風味，入口香料同雞肉完美混合，真係必食之選。