桐 (已結業)

呢排成日想成壽司飯，同事就介紹咗一間外賣壽司店 — 桐。舖頭唔算大但幾企理，入面大概有六個座位，lunchtime過去都見到幾多街坊同學生幫襯，想必一定抵食又高質。壽司定食（$74）總共有三文魚、劍魚、八爪魚、希靈魚、蟹籽、呑拿魚蓉同赤蝦卷十件壽司，配麻醬沙律同味噌湯，個人最鍾意呑拿魚蓉同赤蝦卷，赤蝦卷上面有三文魚籽，紫菜卷入面包住玉子、青瓜同蟹柳，口感豐富！吉列豬扒丼（$42）超大塊吉列豬扒，外酥內嫩，再淋上惹味秘製醬汁，伴沙律同珍珠米飯，好味又超飽肚！柚子八爪魚沙律（$15）新鮮沙律草加上八爪魚片，鮮甜有咬口，柚子汁非常清爽！日式炸餃子（$10）好耐無食炸餃子，呢度炸到外皮香脆，餡料菜肉比例平衡又多汁。