夢咖啡館 (已結業)

工作需要隻身嚟到深水埗, Openrice一吓附近有乜好食, CAFE DREAM幾高分, 門面同裝橫亦唔錯, 感覺幾舒服, 可以一試!CAFE其實好細, 我目測估得50呎, 但桌椅唔多, 坐低都冇乜壓迫感, 感覺好cozy! 估唔到深水埗都有D咁有感覺嘅CAFE! 最重要係唔駛等位! 本來想食Waffle點知賣哂, 咁只好食cheese cake伴雪糕, 味道合格, 雪糕較易溶, 另外跟一杯抹茶奶, 抹茶奶仲拉埋花, 個人覺得味道唔夠甜! 不過成個set total look 觀感好靚~ 適合相機食先。雖然今次食嘅嘢冇乜驚喜, 但有機會會試吓其他嘢食。