影片
更多
2019-09-19
548 瀏覽
偶然剪頭髮經過呢度, 喺深水埗同埋長沙灣中間, 有少少唔就腳, 不過行多兩步嚟食都ok嘅! 因為比起旺角&尖咀啲串燒店平, 同埋好食好多! 前兩日去深水埗另一間串燒店食, 嘩 夠膽死全部一樣味, 係咁落孜然粉…Anyway 講番呢度, 真係名符其實小店, 得4-5張枱, 無咩虛位。 我懷疑係一家人開嘅, 樓面得一位叔叔負責落單、上菜、收碟、收錢...一腳踢, 所以要耐心等等。有次去旺角另一間, 落咗單唔夠5分鐘一次過上晒嚟, 垃圾!!! 呢度啲嘢全部即叫即燒, 要等好耐, 少啲耐性都唔掂, 由落單到有嘢食至少半個鐘, 我哋2個人食, 到食飽埋單要1.5小時。我個人心急, 次次都等到火文, 但係次次都忍唔住再嚟食, 因為真係好好食!! 後尾調整心態, 特登揀第二日唔使番工果晚過嚟, 慢活慢食吹下水, 咁又ok喎!超好味推介: 燒蠔, 牛舌心, 燒菠蘿, 瑪卡蜜! 每次必叫!!!一句講晒: 平靚正要等, 但又有魔力令我一去再去!
Anyway 講番呢度, 真係名符其實小店, 得4-5張枱, 無咩虛位。 我懷疑係一家人開嘅, 樓面得一位叔叔負責落單、上菜、收碟、收錢...一腳踢, 所以要耐心等等。有次去旺角另一間, 落咗單唔夠5分鐘一次過上晒嚟, 垃圾!!! 呢度啲嘢全部即叫即燒, 要等好耐, 少啲耐性都唔掂, 由落單到有嘢食至少半個鐘, 我哋2個人食, 到食飽埋單要1.5小時。
我個人心急, 次次都等到火文, 但係次次都忍唔住再嚟食, 因為真係好好食!! 後尾調整心態, 特登揀第二日唔使番工果晚過嚟, 慢活慢食吹下水, 咁又ok喎!
超好味推介: 燒蠔, 牛舌心, 燒菠蘿, 瑪卡蜜! 每次必叫!!!
一句講晒: 平靚正要等, 但又有魔力令我一去再去!
張貼