囍源古早蛋糕 (已結業)

由古早蛋糕係香港興起，我大約食過8、9間。我個人覺得蛋味係古早蛋糕最重要嘅一環，食古早蛋糕唔食蛋味，咁係無意思。呢排古早蛋糕越開越多，所以我都想再搵下有冇邊間好食。今日行經深水埗，一早已搵定呢間古早蛋糕零負評想要一試究竟。去到都差唔多收工，本身想食芝士味但賣晒，仲有其他朱古力呀earl grey 呀，不過我唔太鐘意，咁惟有食原味。一路行街都聞到個袋散發陣陣蛋糕香，滿滿期待。返到屋企急不及待第一時間品嘗下，一切開已心知不妙。望到蛋糕本體白過我隻手，我心諗係咪蛋白蛋糕？咁試味啦，一如所料，完全無蛋味。之前食嘅幾間，幾好幾差點到有啲啲蛋香味，但呢個真係無。講鬆軟同濕潤佢係做到嘅，但真係完全無蛋味。我媽媽直情話食完口淡淡咁。截至呢一刻為止，食過最差呢間。