土耳其餐廳 (已搬遷) 新店位置

依間店開張有大半年，一直都想試下。今日終於搵到機會食。入座後發覺環境非常乾淨，打破自己對中東餐廳嘅印象。 小店得3張枱，最多坐6個人，建議人多都係外賣啦。店主話佢地招牌菜係轉轉燒肉，有燒羊肉，牛肉同雞肉選擇。可配白飯或各種餅皮成卷餅。店內仲有各種pizza和咖喱。店舖標榜賣清食品，pizza皮無用雞蛋製造。以小店嚟講，食物種類非常多元。最後叫左個燒羊肉卷餅，燒雞肉配特色燒餅和土耳其乳酪。食物味道令人耳目一新，燒羊肉非常嫩口多汁，羊騷味清淡，生菜洋蔥非常新鮮，配上特色醬汁十分滋味。雞肉有好濃郁嘅煙燻味，細塊易入口，份量十足，如果配餅皮，推薦加上店舖醬汁。喜歡清淡的朋友，可選擇配乳酪，淡淡酸味組合更加清新。未試過土耳其乳酪，發覺質地偏稀，味道淡，不算甜，應該沒有加糖。店舖還提供洗手盤，徒手食卷餅亦無須擔心衛生，十分抵讚。