影片
更多
2009-09-28
10 瀏覽
為食, 要食KFC~諗住星期日應該唔方多人, 冇錯, 坐喺度食嘅唔多,但係就有三條龍, 平均六至七人一條鬼叫自己為食, 唯有照排隊, 之後周圍開始有事發生喇~1)左邊行嘅阿伯:排我左邊行嘅阿伯, 好明顯係比我唔等得緊,佢見到counter有一個著經理級制服嘅男人,就走埋去complaint, 叫佢開多條隊, 我留意到嘅時間, 個經理已經俾佢鬧到近尾升,亦都係最大聲嗰句: "都唔知你點做生意!"(個經貿梗係唔識做生意啦, 佢打工架之嘛)2) 又係左邊行嘅阿伯同排佢後面嘅男仔:鬧完人, 阿伯插番隊, 點知俾啱啱入黎排咗佢個位嘅男仔誤會仔佢打尖,又進行咗半分鐘嘅口角,詳細唔講喇, 內容其實都不離一二3) 右邊外圍嘅太太:冇耐, 有一位太太攞住兩盒雞皇飯行埋counter, 同其中一個staff投訴,大致係佢第一次買雞皇飯, 個汁好似水咁;換過, 又輪到個汁有燶味, 剛才俾人鬧完嘅經理又走出黎, 所解釋係又似水又有燶味嘅雞皇飯係出自同一個汁,即係由頭到尾都冇煮過一個新嘅汁出黎(佢話係未煮好)~(唉, 咁即係點吖)4) 右邊隊嘅先生:其實有時客人真係幾無理取鬧,好似我右邊行嗰位先生,攞住一張寫明
諗住星期日應該唔方多人, 冇錯, 坐喺度食嘅唔多,
但係就有三條龍, 平均六至七人一條
鬼叫自己為食, 唯有照排隊, 之後周圍開始有事發生喇~
1)左邊行嘅阿伯:
排我左邊行嘅阿伯, 好明顯係比我唔等得緊,
佢見到counter有一個著經理級制服嘅男人,
就走埋去complaint, 叫佢開多條隊,
我留意到嘅時間, 個經理已經俾佢鬧到近尾升,
亦都係最大聲嗰句: "都唔知你點做生意!"
(個經貿梗係唔識做生意啦, 佢打工架之嘛)
2) 又係左邊行嘅阿伯同排佢後面嘅男仔:
鬧完人, 阿伯插番隊, 點知俾啱啱入黎排咗佢個位嘅男仔誤會仔佢打尖,
又進行咗半分鐘嘅口角,
詳細唔講喇, 內容其實都不離一二
3) 右邊外圍嘅太太:
冇耐, 有一位太太攞住兩盒雞皇飯行埋counter,
同其中一個staff投訴,
大致係佢第一次買雞皇飯, 個汁好似水咁;
換過, 又輪到個汁有燶味,
剛才俾人鬧完嘅經理又走出黎,
所解釋係又似水又有燶味嘅雞皇飯係出自同一個汁,
即係由頭到尾都冇煮過一個新嘅汁出黎(佢話係未煮好)~
(唉, 咁即係點吖)
4) 右邊隊嘅先生:
其實有時客人真係幾無理取鬧,
好似我右邊行嗰位先生,
攞住一張寫明只可以喺黃埔吉之島KFC用嘅$3 coupon,
要喺鰂魚涌華蘭路嘅KFC redeem,
個職員同佢講話唔用得,
佢反問唔用得咁俾佢黎做乜~
(張coupon係吉之島offer出黎, 都係問番吉之島本身係唔係呢, 點解要難為人哋)
5)終止關我事:
發生咗咁多嘢, 外終於到我落order喇,
其實可以快啲,
事關serve我個職員見佢同事俾人留難時就停手想幫口想幫手,
所以都拖咗好多時間~
我用coupon買咗一份墨西哥薄片, 一份雞位,
我冇刻意去數過, 但今次個墨西哥薄片嘅份量同我星期五晚買嘅,
差成半, 雖然都係咁好食, 但係,
我想知佢哋食物份量嘅準則係點嘅呢?
(之前更加買過一件乳鴒size嘅雞件)
佢哋嘅員工指引又係點呢?
如果service差, 就算有幾大嘅franchise support都唔會掂, 我話嘅
張貼