混亂 STEAK (已結業)

是咁的，友人在社交網站睇到佢個fd子食大大塊牛扒，佢又話要食，醒起之前黎逸東酒店食buffet，有間餐廳係逐gram計牛扒，而餐廳老闆之前開的拉麵店我又覺得唔錯，所以就黎呢度上下先！呢度其實係一間food court，所以除左牛，都可以揀其他食物，咖啡、漢堡呢d都有，裝修就走型格路線，同埋人唔多，有別於商場的food court，係度傾下計都得Confusion Steak晚市6點先開，5點幾已經有人排隊而排隊的同時可以睇睇餐牌，有唔同部位揀，當日肉眼就賣曬，同埋最少要300g!另外可以加錢做set!等左陣我地的medium rare 牛柳有了！鐵板上，一淋個汁落去就好勁，再加上大量蒜香，個味好吸引！但好彩medium rare，唔係就老曬！牛肉味應該俾蒜蓋過曬，唔係好食到，但都幾淋！大大件好抵食！