便所主題餐廳 (已結業)

上個星期友人請我到便所補食我ge生日飯，其實最初唔知點解對呢間野已經有少少覺得佢唔好架喇..不過朋友叫到就當試下新野啦,點知...我地去到都成7點鐘..但係佢門口就有一個下午茶menu同另一個menu..好彩我細心咁留意..發現個供應時間原來係"至到2.30"!!咁咪即係過晒囉..喂..o個個係午餐menu黎架喎..7點鐘仲放o係度做乜??入到去先發現..原來dinner得兩款揀..仲要$80/10x個餐..冇病呀嘛..80幾蚊我不如去隔離"和民"食啦..呢個價錢食個扒都仲得!原全明白點解間野會過晒時間都仲放下午茶同午餐menu,但就唔放dinner menu..因為如果俾人睇到佢一個dinner set要成$80-100..就一定唔會去食!..所以佢出埋d屎橋去坤人入去先..呀,唔記得講..我地入到去諗住叫野食,佢先話俾我地聽我地兩個想叫o個兩款野食冇貨!..有冇攪錯..你個menu好似得好少野食咋喎..仲要有好多都係重複ge..7點鐘已經冇好多野食..咁就祝你..早日"食屎"..真係貼晒個主題!