笑酤和味炭燒 (The Pulse) (已結業)

🍢備長炭串燒拼盤（雞翼，雞軟骨，牛舌，豚腩肉，豚肉腸，小番薯）菜沙律，味增湯，白飯或烏東。即叫即燒，製作需時，但絕對值得等待。備長炭發出的高溫短火，由內至外保存食物的鮮味及肉汁。特別喜歡雞翼，雞皮外脆肉嫩多汁，牛舌夠厚肉口感十足。🍣壽司定食（精選八件，加州卷一條）竟然其中兩件係拖羅，仲要係中拖羅，大拖羅🤤入口溶化，魚油留香，無筋超肥美。另外，油甘魚，帶子，甜蝦，三文魚腩都非常鮮甜。加州卷都非常足料，有超多蟹子包住。🍱笑酤卷天婦羅炸蝦，軟殼蟹壽司卷。新鮮炸好即卷，軟糯日本米包住鬆脆炸物，甜辣沙律醬仲好match。🍦棉花糖雪糕燒過嘅棉花糖，外面焦糖化左，配雲呢拿味雪糕，非常好味，不過兩啖食完，份量太少了。🍹日本巨峰提子梳打+白桃梳打兩杯都唔太甜，碳酸飲超解渴。雖然泳灘仲未開放，但weekday去淺水灣又別有一番風味，舒服又休閒。