影片
更多
2022-12-06
1573 瀏覽
近排每逢周中，老婆都要返學，所以，就約啲朋友出嚟食吓飯，但今次就專登等埋佢放學，同佢食餐好嘢，因為，早前晌IG睇到呢一家波希米亞風嘅餐廳，裝修好，食物嘅風評亦好唔錯，故此，先帶佢一試。 餐廳嘅位置好方便，一出地鐵唔使一分鐘就行到去，加上門面亮麗，一眼就認到。唔喺講笑，等埋老婆放學都成8:30pm，呢個鐘數都9乘幾滿，好在我哋得兩個，唔使等，如果多一個都需要等張4人枱。 餐廳嘅環境確喺幾特別，雖然，唔喺好知點為止喺波希米亞風，但感覺好舒服，一室以白色為主調，襯以一牆植物畫作，加入別緻嘅吊燈同牆燈，感覺清新，小弟就覺得好有文青風。 自主啲，就梗喺晌散點餐牌落手啦，所以，先貼出嚟俾大家參考吓。選擇非常多，由沙律、湯品、頭盤、主食至甜品，都一應俱全。 當然，飲品款式亦多，基本嘅茶啡檸水就梗架啦，仲有唔同嘅特色咖啡、乳酪系列、朱古力系列、梳打系列、奶昔系列，實在選擇多多，又唔簡單。 想慳啲，又唔想太煩，就一於揀套餐啦，一人套餐就隨餐包是日餐湯/沙律及飲品，而定價視乎所揀嘅主菜，由$102-$228，更有好多追加、升級優惠，彈性非常之大。 此外，仲有一款二人套餐，其實都好抵，$408而已，已包是日
餐廳嘅位置好方便，一出地鐵唔使一分鐘就行到去，加上門面亮麗，一眼就認到。唔喺講笑，等埋老婆放學都成8:30pm，呢個鐘數都9乘幾滿，好在我哋得兩個，唔使等，如果多一個都需要等張4人枱。
餐廳嘅環境確喺幾特別，雖然，唔喺好知點為止喺波希米亞風，但感覺好舒服，一室以白色為主調，襯以一牆植物畫作，加入別緻嘅吊燈同牆燈，感覺清新，小弟就覺得好有文青風。
自主啲，就梗喺晌散點餐牌落手啦，所以，先貼出嚟俾大家參考吓。選擇非常多，由沙律、湯品、頭盤、主食至甜品，都一應俱全。
當然，飲品款式亦多，基本嘅茶啡檸水就梗架啦，仲有唔同嘅特色咖啡、乳酪系列、朱古力系列、梳打系列、奶昔系列，實在選擇多多，又唔簡單。
想慳啲，又唔想太煩，就一於揀套餐啦，一人套餐就隨餐包是日餐湯/沙律及飲品，而定價視乎所揀嘅主菜，由$102-$228，更有好多追加、升級優惠，彈性非常之大。
此外，仲有一款二人套餐，其實都好抵，$408而已，已包是日餐湯/沙律及飲品，前菜、兩客主食、甜品，同樣有追加、升級優惠，只不過前菜、主食嘅選擇無咁多啫。所以，我哋都喺晌一人套餐中去揀，比較多選擇。
基本嘅餐具已放咗晌枱邊，侍應都不時為我哋添水，見我哋都揀熱飲，加上近期天氣寒寒哋，隨後仲幫我哋換上熱水，招呼真喺有用心，仲好好禮貌。
蒜蓉焗生蠔 +$38套餐餐牌中有6款頭盤可以追加，比散點平少少，炸嘢或太油嘅老娑就唔啱，正好有款焗生蠔啱佢，因為佢都鍾意食蠔，但健康問題生蠔就唔敢食，所以，少少哋就點兩隻試試。就喺簡簡單單兩隻焗生蠔，面頭鋪滿蒜蓉，入口熱焫焫，好熨口，焗過之後，蠔肉就少少縮水，肉唔太多，而蒜蓉打得細碎，蒜味澎湃，但仍食到蠔味十足。
蒜蓉焗生蠔
26 瀏覽
0 讚好
0 留言
是日餐湯今晚嘅餐湯喺粟米湯，當然就唔喺平常講緊罐頭嗰啲啦，湯身打得好滑溜，一口飲落就瀡落喉嚨，而且，粟米嘅清甜味亦好突出，可以講平凡中嘅不平凡，普通嘢都喺用心之作。
法式蟹肉龍蝦湯 +$38另一客餐湯就升吓級改要龍蝦湯，睇色澤就非常對辦，細嚐一口，果然好「龍蝦」，嗰陣陣蝦味好濃郁，後續力強，飲完隔咗段時間你都仲覺得口腔有好強烈嘅龍蝦味；此外，湯內堅有蟹肉，雖然唔多，但都絕無欺場。
法式蟹肉龍蝦湯
26 瀏覽
0 讚好
0 留言
香蒜白酒蜆扁意粉 $118呢道菜不時都晌晚餐出現，做得好唔好都在乎啲蜆夠唔夠鮮，睇樣啲蜆就大大隻，就先試試佢，果然喺新鮮貨，唔單止有鮮味，仲有少少海水嘅鹹味，充滿蒜香，微微嘅白酒滲出嚟，亦處理得好，食落唔會有沙；扁意粉亦煮到恰當好處，柔韌有咬口，質感好對辦。
比目魚扒黑松露意大利飯 $138另一道煎比目魚就喺老婆心水，大大件魚柳煎得金黃，簡單煎香下鹽調味而已，食出魚肉嘅真味。而我成日都話，試一家餐廳，意大利飯喺其中一道最易試到師傅功夫嘅菜式，單睇外觀感覺就好對辦，食落去，飯粒既做到濕潤，又有種煙韌咬口嘅口感，而且，黑松露落得無手緊，每口都充滿黑松露嘅香氣，抵讚。
比目魚扒黑松露意大利飯
$138
28 瀏覽
0 讚好
0 留言
香茅生薑蜜天冷冷就當然揀熱飲，而基本餐飲有呢一款生薑蜜真喺勁啱佢，仲要加香茅，佢話香茅配生薑，陣味都好夾吓，帶點蜜糖嘅天然甜味，入口真喺好舒服，飲完更喺有份「暖笠笠」之感。
香茅生薑蜜
9 瀏覽
0 讚好
0 留言
改選其他特色飲品有半價優惠，加上襯番兩道加配嘅甜品，所以，試試佢哋啲意式咖啡。先講拉花，雖未至完美，但都有板有眼喎，無攪過之下，入口口感夠均勻，細滑香醇，沖泡嘅手勢有一手，配甜品真喺無得頂。
提拉米蘇 +$48好耐無食過「提拉米蘇」，突然有種癮起感。以一個精緻玻璃罌盛載，亦都幾大份，加少少藍莓同薄荷葉做裝飾，賣相都幾靚，其實，木盆仲有少少乾花作點綴，不過，玻璃蓋遮咗就有啲嘥。然而，講番件蛋糕，確喺高質素，中間嘅馬卡風芝士打得好綿滑，滲出微微芝士香，裡面用上海綿蛋糕，非手指餅，但最緊要浸得夠濕潤，帶出咖啡香。
朱古心太軟配雪糕 +$48早前去馬灣環島遊，食咗個出色嘅心太軟，老婆就想再回味，所以，甜品都想追加一道心太軟。份心太軟做得都相當精緻，加入好多色彩繽紛嘅脆米做裝飾，佐以雲呢嗱雪糕，睇見都開懷。慣例切開睇睇流唔流心，有相為證，流心度十足，而外殼焗到有少少脆口，裡面嘅朱古力漿味道好濃郁，夾埋雪糕一齊食，真喺好食，同樣喺高水準之作。
朱古心太軟配雪糕
11 瀏覽
0 讚好
0 留言
整頓飯，我同老婆都非常滿意，真喺無乜挑剔位，食得出製作用心，食材又夠質素，環境又幾舒服，帶點小清新，值得再翻兜。
張貼
