野玩田店 (已搬遷) 新店位置

同朋友慶祝生日，揀間特別d嘅西餐廳食餐飯聚一聚。未入餐廳已感到好有田園氣息，門口種咗好多一盤盤水耕菜。餐廳入面以木製枱櫈為主，枱櫈排得整整齊齊感覺有d似學校canteen 。餐湯用忌廉做咗個笑哈哈裝飾，南瓜味濃，質地細滑好creamy。水耕菜款式多，款款都夠新鮮，慢煮雞胸肉質幼嫩多汁，白果醋甜酸味適中。慢煮和牛面嫩滑得嚟有嚼口，牛面牛味重，韓式牛肉汁偏甜，配菜甜蕃薯焗得香脆，泡菜則無特別。蟹餅炸得太乾，蟹肉份量多，每啖都食到蟹嘅鮮甜味，芒果乳酪汁同蟹肉好夾但份量太少。朱古力mousse及brownie 朱古力味濃，甜度適中。