WANAKA

營業中

休息中

今日同素食嘅同事去試新餐廳。餐廳附近環境好靚！有啲室外座位，依家呢個天氣嘅話就都幾舒服。如果唔係，其實鋪頭座位唔多，平日lunch 都坐到滿曬。叫左個「台灣鹽水豆乾翠玉瓜沙葛麵」，menu上唔知點解會標住為「生酮」，但明明似係有麵粉嘅麵。如果真係生酮，咁呢個麵真係好成功，好似真麵粉麵。豆乾好食，應該係落左沙薑粉調味。翠玉瓜清爽，應該係生嘅，當沙律食。本身以為食菜會唔夠飽，但呢度啲份量真係好足，食完之後飽到上心口。另外叫左個「超級蛋白質果昔」，本身唔知咩係moringa，唔知道會係咩味道，都頗為好奇。結果上桌其實我就只係嚐到可可粉、香蕉和燕麥奶味。不過係好清新，夠凍，唔會有渣，唔太甜，係好味的。