蔦 (已結業)

今日收工經過而又見到唔使排隊就去試下哩間米芝蓮一星嘅日本拉麵店喇店內環境走簡約時尚路線，食客都係坐吧檯，圍住班廚師煮麵/預備食材。唔知點解落單嘅時候店員會同我地講國語，可能尖沙嘴真係太多遊客幫襯😅😅見到有松露醬好似好特別，所以決定試下。叫左個醬油味玉拉麵，湯底好清，唔似平時啲豬骨濃湯，飲落去一啲都唔膩，一開始以為會平平無奇，但係飲落又有好豐富嘅味道，之後再撈勻啲松露醬，味道突然間變得好濃郁，簡直係另一種風味😃😃，係食到最後剩番啲湯再飲就會覺得有啲太濃味喇😛麵係用似蕎麥麵嘅幼麵，入口好滑，同個湯幾夾，夠入味但係未至於好彈牙溫泉蛋火候控制得幾好，唔會太熟，味道都唔錯，唔會太濃味一開始以為得一塊叉燒會唔夠喉，但係食落又啱啱好喎～我幾欣賞哩塊大大塊唔太肥又幾嫩滑同好口感嘅叉燒價錢係比一般拉麵貴少少，勝價比唔高，但未至於完全唔值哩個價我覺得冬天食哩個拉麵都幾好，份量適中，溫度啱啱好可以暖粒粒咁飲曬成碗湯又唔會熱到入唔到口，雖然係坐吧檯，但係都坐得幾舒服，總括而言係個幾唔錯嘅體驗😊