島中坊研

營業中

休息中

近清明，天氣唔多好，不過都想郊遊,所以入嚟長洲行下，星期四嘅長洲都好熱鬧。Cafe outdoor 較受歡迎，我地當然都係揀outdoor ，望嘅境係街景，感覺幾街坊，幾舒服😌Menu 選擇非常多，特別係甜品，但落order時先知原來好多都無供應，我地想食嘅卷蛋所有口味都無最後揀咗焙茶cheese cake 🍰, 茶味幾好，唔太甜，不過口感有啲鞋窩夫揀咗原味配焦糖，雪糕就配玄米茶，窩夫都做得幾差，個樣麻麻，顛覆咗窩夫造型，焦糖只有甜唔香，窩夫又唔香唔脆，佢好似想做類似酥嘅效果又做唔到，所以食咗一啖無食。職員都有留意到我哋冇食窩夫，都有問我哋意見，同埋又講唔好意思嘅👍檸檬梳打係泰國原支梳打水👍只收現金，要留意。