洪記粥品 (淘大商場1期)

營業中

休息中

又要加班，但係唔想食咁重味嘅外賣，所以就決定咗食粥。我又想起呢間粥品外賣。呢個係叫外賣套餐的， $60就包豆漿，叉燒腸，艇仔粥。以外賣嚟講， $60有三樣嘢覺得好抵。而且又食得飽，感覺好似又健康少少。叉燒腸好滑，叉燒亦幾好味。豆漿係凍豆漿，唔會太甜，本人覺得味道啱啱好。最後就係個粥，呢個係艇仔粥，入邊有豬皮，魷魚，牛肉碎，仲有花生添。個粥整體都唔錯，係啲豬皮有啲唔新鮮，牛肉碎有少少鹹，其他都OK。呢個餐我食咗估計都有10次八次，不過因為性價比高，所以係不久將來如果要加班會再叫。強烈推介俾我啲同事。