營然 (已結業)

今日lunch想食清啲所以揀咗呢間。 先講食物， 點咗單拼十隻白菜豬肉餃子47蚊。 今次餃子皮有少少失敗，有兩隻上菜時已經穿咗。 呢間小店餃子皮比較淋，唔似北方餃子咁煙韌， 亦冇咁厚。 餡料非常飽滿， 味道清新。 食落唔覺太多味精，非常有屋企做餃子的感覺。 本人最喜歡佢夠多菜，而且啲豬肉唔會太肥，食落去啱啱好唔會油膩。 食得出用咗好多心機做餡料。 有好多客人點咗老火湯，我冇試過唔知好冇味。 環境方面餐廳比較細，大概得十個位左右。 勝在地方整潔，設計走簡約風。 服務方面，非常有禮貌，食物好快就準備好。 雖然四十幾蚊十隻餃子唔算平，但係佢哋用心經營， 都值得支持下 。