四季文昌 (已結業)

上次翻大陸已經好想食椰子雞煲，點知最後都係食咗探魚。。。聽朋友介紹香港都有好食既椰子雞煲🙈先叫咗一個原味椰子文昌雞鍋, 半隻。雞肉好嫩好滑，好新鮮。椰子煮一陣都食得，好fresh好滑~食完雞就梗係打個邊爐先啦😆 叫咗四季牛肉拼盤，有手切安格斯牛頸脊，A4和牛肉眼，黑安格斯牛小排，牛舌粒，牛舌長切，牛柳粒。牛肉好鮮嫩，牛肉味好岀，唔點豉油一樣好食！牛舌都好彈牙🤤仲有竹笙墨魚卷，同文昌鴛鴦拼盤。竹笙墨魚卷好好食，外面爽脆，入面彈牙。拼盤就有水餃同福袋，水餃入面有蝦，好新鮮👍🏻 福袋入面係芋頭同豬肉，如果芋頭比例再多會好啲。打邊爐又點可以冇菜。有一個好豐富既野菜籃，份量十分之多！北海道海膽煲仔飯。超足料！😍 厚厚既海膽舖滿哂成個飯，加少少豉油，撈均佢。海膽同飯混為一體，溶化既海膽包住每粒飯，啖啖都食到海膽，大滿足🤤不得不提呢度既沙冰，菠蘿沙冰同椰子沙冰都十分高質！沙冰好細滑，用新鮮果肉加冰再攪拌而成，會食到細細粒既果肉，refreshing 之選！