水鴨朱椰子雞 (已結業)

朋友話想食打邊爐，聽講大角咀嘅打邊爐出名椰子雞煲湯底，就同佢一齊去試下。餐廳環境幾大，而且夥計都幾友善，佢哋會教你幾時食邊樣同淥幾耐，咁就唔使怕整嘥咗美味嘅食材。首先係椰子雞煲加海南雞，工作人員表示要先煲15分鐘，之後先試吓啲湯同埋雞。打開煲蓋，成個湯充滿椰子絲，令到成個椰子湯非常鮮甜，另外海南雞肉質彈牙。牛頸脊 / 牛肉粒 打邊爐不可或缺嘅牛肉，牛頸脊切得都幾厚，食落好有口感。牛肉粒亦好彈牙，加埋鮮甜嘅椰子湯嘅簡直係正。 大花蜆 處理得好好，食落唔會有沙。 美國桶蠔 隻隻份量十足，肉質鮮嫩幼滑，大滿足！ 美國桶蠔 隻隻都大大隻，肉質鮮嫩幼滑，大滿足！墨魚丸 / 貢丸， 墨魚丸爽口彈牙，而貢丸好足料，咬落食到好多冬菇，好好食。 珊瑚蚌鮮 甜，爽脆，記住唔好淥咁耐呀。 總而言之喜歡打邊爐嘅朋友不妨試吓。