燒皇燒烤雞煲專門店

營業中

休息中

一向好鐘意雞煲+邊爐既配搭，呢到雞煲既款式都幾多，連酸菜雞煲都有，我地最後就試左椰子雞煲！ 好足料，而且去到最尾，湯底好清甜啊！食完雞煲就可以打邊爐，呢到特別既地方係佢仲有串燒食架！ 我地叫左燒菠蘿、燒韮菜、燒雞軟骨等等。燒原隻厚身魷魚好吸引！ 真係原條咁上，醬汁甜咸度岩岩好，魷魚又唔會過un ! 之後仲叫左風味炒蜆，都好惹味！芝士牛油焗金菇都好推介！呢個組合真係唔會輸！串燒特大茄子都好好味。燒豬頸肉都好有驚喜，好易咬唔會un，燒到少少焦邊，好脆口。火鍋配料方面，最鐘意就係個蝦滑同墨魚滑雙拼，好彈牙！肉類方面，份量完全比足曬，牛肉片好重牛味！呢到仲有薯粉！即刻叫左2碟試試。