牧羊少年咖啡館 (香港單車館)

營業中

休息中

星期日相約朋友黎呢度食早餐。一早0845 就到，到既時候都只有一兩枱客。地方好寬敞，我地坐卡位，卡位基本上坐四個人都唔會逼。枱同枱之間相隔甚遠。而且有書可以借閱，比大型連鎖咖啡店更舒服（除左無沙發之外）單車館無開，都有擔心過佢唔開。好彩行半個圈就揾到喇。好耐無食過公仔麵，又想食腸仔，所以就叫左呢個漢堡蛋腸仔火腿麵喇！全部都正常，唔會話爛爛的或者有怪味。野飲方面叫左蘋果玉桂茶。朋友叫左夾餅，香脆再上蜜糖，我後悔無叫到。我地傾下講下，不知不覺竟然坐左差唔多兩個鐘。其間並無趕客現像。唔知道午市係咪都係咁呢？