Nhau (已結業)

如果有充裕時間極力推薦大家嚟呢度，非常清靜，其實由中環行去都唔遠，中午時分通常都係得四至五枱。已經係第二次幫襯，叫嘅嘢食同上次一模一樣 😂 因為真係好好食！ 兩次帶咗唔同嘅朋友嚟，之前佢哋都會鬧我做乜搵到咁偏僻，又話要行樓梯之類之類😅 但係當佢哋食完之後全部都話好介紹，同埋表示會再去 😙 我點咗雞、咖喱豬肉、春卷 （呢一個十級讚），仲有就係餐廳極力推薦嘅西蘭花🥦 超級超級好食👍 anyway我總結就係樣樣嘢都好食，坐得舒服😌 唔會催，唔會同隔籬枱黐埋一齊😄 我應該會再光顧第三次 😆