碗盛 (已結業)

天后清風街一向都出名多好野食今晚放工朋友約去食日本野呢間大部分都係卡位幾好坐 仲有tatami房 幾有日本feel吉列薯仔串炸衣好脆口 入面係好軟滑嘅薯茸 超好味吉列蓮藕串第一次食咁嘅煮法幾得意 蓮藕炸完依然爽口 關東煮最鍾意佢嘅蘿蔔好清甜又冇渣竹輪同魚餅都煮得好入味 甜心粟米粟米本身好香甜 再加上用牛油炒過夠晒香口香煎三文魚鰭魚鰭位魚油好豐富 煎得好香脆 咬落脆卜卜芝士白汁帆立貝焗迷你南瓜盅細細個南瓜入面有成四隻帆立貝塞到滿晒芝士面焗到焦香白汁夠晒creamy 同帆立貝好夾豚肉豆腐雜菜鍋豚肉份量都幾多 仲有好多材料雜菜吸晒豬骨湯好甜好好味呀