影片
更多
2023-10-19
1047 瀏覽
-淥鼎記-@旺角.有外籍朋友來香港玩，當然要帶佢試下香港的飲茶。帶咗佢黎淥鼎記，午食有點心可以食，晚市可以打邊爐。.呢度點心嘅款式好多，而且價錢唔貴，坐得舒服。.蟹籽龍皇燒賣 ($19.8)燒賣比一般酒樓的燒賣為大粒，裡面包着大大隻鮮蝦，加上混入了冬菇粒和蟹籽的彈牙豬肉，大大粒有口感。.黃金蝦餃 ($19.8)蝦餃表面帶有金色，望落好高級。皮薄而唔會好黏，夾起嚟都唔容易穿破。而裏面包住嘅鮮蝦都好大粒，而且夠新鮮爽口。.潮州蒸粉果 ($26)粉果嘅皮比起蝦餃為厚身，質地軟糯。包了滿滿的餡料，有沙葛、冬菇、韭菜等，口感十足。.薑蔥牛柏葉 ($28)牛柏葉好爽口，完全唔韌，易於咬開。加上薑蔥嘅調味，第一次食牛柏葉嘅朋友都好喜歡。.冬菇粒夜香花油海鮮泡飯 ($108)冇諗過個泡飯係咁大煲，兩個人都食唔晒。首先泡飯個湯好好味，因為有蝦，大蜆同鮑魚等海鮮，本身已經夠味，加埋冬瓜粒同夜香花油，味道更為清甜。.用嘅海鮮都好新鮮，蝦肉同鮑魚好爽口，蜆肉都好大粒，粒粒飽滿。.
-淥鼎記-@旺角
.
有外籍朋友來香港玩，當然要帶佢試下香港的飲茶。帶咗佢黎淥鼎記，午食有點心可以食，晚市可以打邊爐。
.
呢度點心嘅款式好多，而且價錢唔貴，坐得舒服。.
蟹籽龍皇燒賣 ($19.8)燒賣比一般酒樓的燒賣為大粒，裡面包着大大隻鮮蝦，加上混入了冬菇粒和蟹籽的彈牙豬肉，大大粒有口感。
.
黃金蝦餃 ($19.8)蝦餃表面帶有金色，望落好高級。皮薄而唔會好黏，夾起嚟都唔容易穿破。而裏面包住嘅鮮蝦都好大粒，而且夠新鮮爽口。
.
潮州蒸粉果 ($26)粉果嘅皮比起蝦餃為厚身，質地軟糯。包了滿滿的餡料，有沙葛、冬菇、韭菜等，口感十足。
.
薑蔥牛柏葉 ($28)牛柏葉好爽口，完全唔韌，易於咬開。加上薑蔥嘅調味，第一次食牛柏葉嘅朋友都好喜歡。
.
冬菇粒夜香花油海鮮泡飯 ($108)冇諗過個泡飯係咁大煲，兩個人都食唔晒。首先泡飯個湯好好味，因為有蝦，大蜆同鮑魚等海鮮，本身已經夠味，加埋冬瓜粒同夜香花油，味道更為清甜。
.
用嘅海鮮都好新鮮，蝦肉同鮑魚好爽口，蜆肉都好大粒，粒粒飽滿。.
張貼
