大胃燒

營業中

休息中

大胃燒@佐敦渡船街渡船街附近集中左唔少嘅串燒店，大胃燒就係其中一間明星店。除咗食物價錢抵之外，員工服務態度亦非常好。我同朋友夜晚七點幾左右去到，但入邊唔算多人可以即刻有位入去坐。因為啲嘢食都賣相唔錯，同埋我哋真係大食同好肚餓，我哋叫咗好多野食。有燒茄子、燒韭菜、牛油焗金菇、燒菠蘿、燒娃娃菜、燒雞全翼等等。如果你鍾意嘅仲可以灑啲辣粉上去，又辣又野味！全部串燒嘅賣相都唔錯，但食落無想像中咁好食。燒娃娃菜同各種肉類出到嚟都比較乾，鎖唔住個汁。燒菠蘿比較酸，可能因為用嘅係新鮮菠蘿。雞泡魚乾未去到平時居酒屋食到嘅水準，而且質地比較硬，咬到有少少牙痛。燒蠔味道都一般般，雖然有好厚嘅芝士聞落幾香，但食落冇乜味道。反而道燒茄子幾有驚喜，食落幾惹味，加埋孜然粉等等嘅香料之後更係非常香口。