稚

營業中

休息中

超高質本地溫情小店📍稚Childhood一入到去已經見到一整面動漫牆，動漫迷超興奮😆店舖雖小但乾淨企理，店員有禮。廚房就係隔離，可以睇到現整現賣。逢週末，店裡有假期午餐定食，有小菜、嘢飲、主食、味增湯，仲可以自選小食。我地嗌左蒲燒鰻魚同埋西京燒比目魚定食，飯轉左貓飯，另外嗌左一碟檸檬柚子雞翼。定食滿滿誠意，味增湯裡有新鮮白玉菇，小食炸蝦外皮酥脆肉質緊緻，我最鍾意係係佢既西京燒，有足足兩大舊比目魚扒，魚肉鮮嫩緊緻，又好入味，配埋佐海苔木魚花黃油既貓飯超正🤩檸檬柚子雞翼煎到外皮酥脆，配住黑胡椒同柚子醬食超夾！我地冇飲酒，不過一定係下酒美味。小店出面也有位置，可以坐出面曬太陽，好chill