武館 (已結業)

武館只有十一座位，滿座時都坐得幾親密。老闆話星期五難訂啲所以早左半個月訂。雖然冇豪華既裝修，但同時都係因為咁，加上由兩公婆打理，多左一份溫暖既感覺，亦好似日本既小店咁，有一種人情味。入返正題，Omakase 以刺身為主，熟食只有前菜同烏冬，所以鍾意食魚生就岩晒呢到食材有好多出面都未見過未食過，例如有烏魚白子，關伊佐木，羽太等等。可惜過左原隻海膽季節，今次食唔到，但其他時令魚生亦一樣精彩鯖魚箱壽司做得好出色，只係淺淹過，唔會過酸仲食到好濃鯖魚味秋刀加埋特製肝醬好正食唔到原隻海膽，好在都有馬冀頂住先整體所有野都做得好出色，唯一食左幾個鐘坐到 pat pat 攰師傅話 menu 日日都有唔同，下個季節又返黎試下唔同既野先！