魚味市場居酒屋 (已結業)

與很久不見的朋友聚會， 想揾一個地方可以傾下計、慢慢食，想起平日經過這間環境唔錯嘅居酒屋，就决定去試下。居酒屋位於山市街，喺堅尼地城港鐵站行去， 三、四分鐘就可到， 交通非常方便。三個人，兩個嗌肚餓，所以一個先叫晚市一人前套餐，一個叫個北海道海鮮丼，我就點咗沙律、蒸蛋、小食， 燒物，再分享佢哋啲食物， 然後一路食、一路傾，好舒服悠閒。一人前嘅嚴選刺身四點係甜蝦、油甘魚、深海池魚、髭剃鯛。刺身非常新鮮，尤其深海池魚，肉質爽滑，與一般池魚真係有好大分別，髭剃鯛亦係平日比較少吃嘅魚生，套餐刺身有這水準，非常難得。天婦羅包括蝦、蕃薯和南瓜。天婦羅炸漿做得很好，而且一點也不油膩。一人前還包括關東煮、鹽燒鯖魚、野菜烏冬，都做得很不錯，實在太豐富喇！海鮮丼大大碗，鋪滿刺身， 有三文魚、油甘魚、三文魚子和海膽，甘香味美，尤其海膽， 入口即溶，大滿足沙律造型精美，魚生伴著蔬菜和醬汁吃，非常開胃。滑滑的蒸蛋，加上香滑甘腴的海膽和黑松露的香味，簡直一流 。牛柳燒得恰好，充滿肉汁，配車厘茄吃，不覺得油膩。鮑魚分量頗多，火候掌握得很好，煮得剛剛好，少少甜，好回味。燒茄子混上木魚碎和薑蓉一起吃，很特別。整體來說，