小灶子 (已結業)

星期六想搵個地方食個branch再睇戲，荃灣小店多，食過好多次樓下嘅轉角見，今次試試樓上嘅小灶子。真心，間舖真係好難搵！入到去舖仔細細，痴埋食物相，感覺幾溫馨！同朋友一人叫左一個早餐，即刻整，香味成間舖都係，好肚餓！等左大約15分鐘就有得食，賣相好靚，窩夫夠脆，奄列幾大份，如果入面加埋磨菇就好！朋友叫左西多士早餐，一樣唔錯，炒蛋好滑，抵讚！