心選 (已結業)

好凍嘅12月頭，同朋友去到旺角，見到有間樓上Cafe都幾多好評，於是想去試吓。位於一棟大廈嘅2樓，需要行樓梯上去，感覺有啲驚險，上到去發現係一個非常舒適嘅小天地！晚餐嘅餐牌都幾多選擇，適合唔同嘅口味嘅人去食。我哋叫咗鰻魚炒飯，同埋一個雞翼，另外叫咗兩杯嘢飲。鰻魚炒飯個份量都幾大，用鰻魚汁去炒非常惹味。入而有都幾大舊嘅鰻魚粒同粟米粒，都幾多，好好食😋另外就係蜜糖雞翼啦，個份量都幾多，有五隻，而且蜜糖真係好似真係食緊燒烤嗰啲蜜糖咁，幾清甜同特別清新。我叫咗杯特濃朱古力，上面有個好可愛嘅拉花，飲落都令人覺得特別開心同滿足。