影片
更多
2022-06-27
1232 瀏覽
呢間係觀塘工廈嘅cafe好溫馨，係家庭式經營，老闆一家好nice🥰🥰weekend囡囡仲會嚟幫下手，估唔到約10歲嘅小妹妹年紀輕輕已經好幫得手👍🏻仲有隻🐱店長阿里駐場，身形極之巨型又肥嘟嘟，仲特別鍾意爬上餐枱玩飲管，場面好搞笑🤣🤣呢度嘅餐牌有生酮友好嘅低糖低碳菜式，同埋平民版菜式，仲有生酮卷蛋，食物質素都唔錯，開開心心又過一個下午😛😛香茅冬蔭功豬扒炒椰菜花飯熱辣辣上菜，椰菜花飯炒得乾身爽口，落咗黃薑粉炒，真係有啲似食緊炒飯。豬扒唔算厚身不過肉質鬆化唔韌，香茅味好出，幾惹味😋香煎鮮蝦配青醬翠玉瓜麵🍤有好多隻，而且好新鮮口感好彈牙。翠玉瓜麵幼身爽口，本身以為會好似食緊菜咁，不過因為落咗青醬，食落都有啲食緊意粉嘅感覺，不過再爽口啲，感覺無咁膩，夏天食好啱。伯爵茶生酮卷、抹茶生酮卷呢日嚟到生酮卷蛋已經賣晒🙈普通卷蛋都係得返少少，不過老闆娘好好人地請咗我哋食一小件切剩嘅生酮卷蛋，兩隻茶味都好香，唔會太甜😋😋蛋糕質感比起平時邪惡嘅卷蛋乾身啲，但因為中間有唔少打得輕盈唔太膩嘅茶味忌廉，整體都唔錯👍🏻人均消費：$100推介指數（10分為滿分）：8.5分Simp.lane觀塘駿業里6號富利工業大廈11樓
香茅冬蔭功豬扒炒椰菜花飯
熱辣辣上菜，椰菜花飯炒得乾身爽口，落咗黃薑粉炒，真係有啲似食緊炒飯。豬扒唔算厚身不過肉質鬆化唔韌，香茅味好出，幾惹味😋
香煎鮮蝦配青醬翠玉瓜麵
🍤有好多隻，而且好新鮮口感好彈牙。翠玉瓜麵幼身爽口，本身以為會好似食緊菜咁，不過因為落咗青醬，食落都有啲食緊意粉嘅感覺，不過再爽口啲，感覺無咁膩，夏天食好啱。
伯爵茶生酮卷、抹茶生酮卷
呢日嚟到生酮卷蛋已經賣晒🙈普通卷蛋都係得返少少，不過老闆娘好好人地請咗我哋食一小件切剩嘅生酮卷蛋，兩隻茶味都好香，唔會太甜😋😋蛋糕質感比起平時邪惡嘅卷蛋乾身啲，但因為中間有唔少打得輕盈唔太膩嘅茶味忌廉，整體都唔錯👍🏻
人均消費：$100
推介指數（10分為滿分）：8.5分
Simp.lane
觀塘駿業里6號富利工業大廈11樓C號舖
張貼
