影片
更多
2020-10-28
81 瀏覽
帶着元祖師奶到佐敦行街，就想搵間粥店，搵到呢間元朗新記，見到佢有好多種類嘅粥同埋腸粉，就決定一試。岩岩就到佢既下午茶時段，一個粥再配一個腸粉，$34 - $55 ，都真係幾抵，相比佢正常價錢，即係送個腸粉同嘢飲。 我哋兩個人就叫咗兩個餐，打算試多啲嘢食，一個魚片粥，一個蠔仔肉碎粥配叉燒腸同埋炸兩。炸兩一上到嚟，食落去脆卜卜，食得出真係新鮮整嘅，但係油炸鬼啲油就真係”必”出嚟，食咗兩舊就已經覺得好油膩；叉燒腸啲叉燒一般。 魚片粥啲魚片尚算新鮮，粥底比較淡，食得出冇乜味精，但係粥底比較稀，港女師奶最鍾意食都係元祖師奶煮個嘅啲又綿又竭嘅粥；而蠔仔肉碎粥啲肉碎好奇怪，肉係冇乜肉味，係稔身既一舊嘢，因為覺得太奇怪所以最後都冇食，只係食左啲蠔仔就算。食完到前台買單，找錢嘅時候仲要將啲錢一嘢掉過嚟…. 作為呢個餐廳既ending。＝＝＝＝＝＝＝＝＝＝＝＝＝＝＝ (滿分為5分) 抵食指數：🌟🌟🌟🌟Encore 指數：－
我哋兩個人就叫咗兩個餐，打算試多啲嘢食，一個魚片粥，一個蠔仔肉碎粥配叉燒腸同埋炸兩。
炸兩一上到嚟，食落去脆卜卜，食得出真係新鮮整嘅，但係油炸鬼啲油就真係”必”出嚟，食咗兩舊就已經覺得好油膩；叉燒腸啲叉燒一般。 魚片粥啲魚片尚算新鮮，粥底比較淡，食得出冇乜味精，但係粥底比較稀，港女師奶最鍾意食都係元祖師奶煮個嘅啲又綿又竭嘅粥；而蠔仔肉碎粥啲肉碎好奇怪，肉係冇乜肉味，係稔身既一舊嘢，因為覺得太奇怪所以最後都冇食，只係食左啲蠔仔就算。
食完到前台買單，找錢嘅時候仲要將啲錢一嘢掉過嚟…. 作為呢個餐廳既ending。
＝＝＝＝＝＝＝＝＝＝＝＝＝＝＝
[港女師奶指數] (滿分為5分)
抵食指數：🌟🌟🌟🌟
Encore 指數：－
張貼