Burger Home (已結業)

平時去Cafe食個漢堡可能都要$100，估唔到位於灣仔鬧市中嘅呢間餐廳，$50就有高質漢堡套餐，今次試咗全日供應嘅他他醬魚柳堡餐($50)，朋友就叫咗個蘑菇手打牛肉漢堡($51)，加配薯條可樂($22)🍟漢堡嘅賣相好好，炸魚柳有成3塊、脆卜卜熱辣辣，一大啖咬落去真係好滿足🥰麵包表面唔太香脆，不過算係有烘過，內餡仲有紫洋蔥、生菜同蕃茄，成個漢堡非常之厚😆蘑菇牛肉漢堡都好足料，有超多炒蘑菇、生菜新鮮爽脆、漢堡扒亦夠juicy👍🏻趣樂雞都係熱辣辣上枱，不過入面嘅雞肉搞到好爛，食落好似魚蛋😂同埋比較薄身，口感上一般般😗最得意係每張枱都有鹽、黑椒同芥末醬，可以根據個人喜好加落薯條(本身冇調味)，即磨黑椒真係特別香，不過啲鹽較粗所以好難癡上啲薯條🤣