影片
更多
2017-06-19
892 瀏覽
終於黎到呢間係大坑據說係港島區 No.1 最好食既拉麵呢，係咪真係咁好食呢？原諒我唔係一個專業既拉麵專家，整體我覺得係中上水平！黎到都諗左一陣徘徊左係黑骨 (墨魚汁海鮮拉麵)、綠骨 (羅勒葉橄欖油拉麵)、限定 (胡椒肥豬腩拉麵)，最後揀左 #綠骨 同 #限定！先講 #綠骨 揀左超濃厚既湯底，我諗係港島區入面呢間係食過最濃既拉麵，的確係濃係幾結，但係講到濃到結到不得了都濃唔過荃灣果間豚道樂，呢碗 #綠骨 濃係濃，但係油仲多過濃湯，食落真係幾重口味同成口油，好多時用係意粉既羅勒葉味都好重，唯一係衰在太油，橄欖油近排大減價 (好似係)，味道可以既但冇乜驚喜，溏心蛋正正常常，個人覺得舊豬肉太瘦全部瘦肉，唔係幾中意個口感，芝士亦唔係話好多 (本身係見到芝士被吸引先叫) 😂😂😂 而麵種唔係我中意果隻粗麵，所以真係一般般！而 #限定 我反而覺得各方面都唔錯，幾岩我胃口，幾好味 😋 師父話湯底係好似胡椒豬肚湯既味，食落係幾似我都幾中意，如果胡椒味再重啲會更正，而豬肉係燒肥豬肉，食落溶口有油夠哂肥，最衰係個麵係幼麵！P.S. 個人推薦 #限定 喔！——————————————————————#綠骨 $8
黎到都諗左一陣徘徊左係黑骨 (墨魚汁海鮮拉麵)、綠骨 (羅勒葉橄欖油拉麵)、限定 (胡椒肥豬腩拉麵)，最後揀左 #綠骨 同 #限定！
先講 #綠骨 揀左超濃厚既湯底，我諗係港島區入面呢間係食過最濃既拉麵，的確係濃係幾結，但係講到濃到結到不得了都濃唔過荃灣果間豚道樂，呢碗 #綠骨 濃係濃，但係油仲多過濃湯，食落真係幾重口味同成口油，好多時用係意粉既羅勒葉味都好重，唯一係衰在太油，橄欖油近排大減價 (好似係)，味道可以既但冇乜驚喜，溏心蛋正正常常，個人覺得舊豬肉太瘦全部瘦肉，唔係幾中意個口感，芝士亦唔係話好多 (本身係見到芝士被吸引先叫) 😂😂😂 而麵種唔係我中意果隻粗麵，所以真係一般般！
而 #限定 我反而覺得各方面都唔錯，幾岩我胃口，幾好味 😋 師父話湯底係好似胡椒豬肚湯既味，食落係幾似我都幾中意，如果胡椒味再重啲會更正，而豬肉係燒肥豬肉，食落溶口有油夠哂肥，最衰係個麵係幼麵！
P.S. 個人推薦 #限定 喔！
——————————————————————
#綠骨 $88
#限定 $118
#加溏心蛋 +$30
——————————————————————
BB Ramen
大坑京街 3 號
張貼
