影片
更多
2017-06-21
742 瀏覽
無意中發現呢間灣仔酒店自助餐，平時食一個自助餐都差唔多$500一個人，呢一間餐廳只不過係一半既價錢，計埋折扣，星期一就最抵食，而且係公司附近，就約左朋友一齊去食晚餐餐廳環境不是太大，比較古色古香，食物都是集中係同一區，大概可分為熟食區、海鮮區、粉麵區和甜品區，而當中既甜品區就最吸引我！先分享熟食區： 有各式各樣的熱食，蒸魚、烤餅、咖哩牛腩、炒菜.. 有炒粉麵、煮青口、茄汁蝦等…我最喜歡就係焗蠔呀～仲有D蠔汁，唔會太乾 還有一個沙律吧，當中的配料亦很豐富！有煙三文魚、亦有鴨胸肉等… 刺身、海鮮區放係門口位置，我同朋友先食沙律，第二round先開始食海鮮~~ 海鮮唔係太吸引，只有螺、蝦、麵包蟹和青口等等…個人認為青口同螺比較出色，麵包蟹都幾多膏，但長腳蟹過為瘦削。不過想想這餐飯的價錢，自然不能要求太多。 旁邊有一些天婦羅，吉列蝦唔錯！ 也有一些壽司和刺身，刺身要了三文魚、吞拿魚和八爪魚，但三文魚色澤一般。 有牛肉食呢，呢個牛味濃，幾好～ 有一個粉麵檔，有幾款麵同餸揀～ 有即煎羊架，羊羶味唔算太強烈，食左一口都幾嫩，但我依然接受唔到呀～～睇住朋友食得幾滋味！ 終於介紹我
餐廳環境不是太大，比較古色古香，食物都是集中係同一區，大概可分為熟食區、海鮮區、粉麵區和甜品區，而當中既甜品區就最吸引我！
先分享熟食區：
有各式各樣的熱食，蒸魚、烤餅、咖哩牛腩、炒菜..
有炒粉麵、煮青口、茄汁蝦等…我最喜歡就係焗蠔呀～仲有D蠔汁，唔會太乾
還有一個沙律吧，當中的配料亦很豐富！有煙三文魚、亦有鴨胸肉等…
刺身、海鮮區放係門口位置，我同朋友先食沙律，第二round先開始食海鮮~~
海鮮唔係太吸引，只有螺、蝦、麵包蟹和青口等等…個人認為青口同螺比較出色，麵包蟹都幾多膏，但長腳蟹過為瘦削。不過想想這餐飯的價錢，自然不能要求太多。
旁邊有一些天婦羅，吉列蝦唔錯！
也有一些壽司和刺身，刺身要了三文魚、吞拿魚和八爪魚，但三文魚色澤一般。
有牛肉食呢，呢個牛味濃，幾好～
有一個粉麵檔，有幾款麵同餸揀～
有即煎羊架，羊羶味唔算太強烈，食左一口都幾嫩，但我依然接受唔到呀～～睇住朋友食得幾滋味！終於介紹我最中意既甜品區！！！
甜品方面花多眼亂呢，有好多款甜品!!! 故意留肚等食甜品~~
豆腐花有6款配料落，除左黃糖，仲有紅豆、芋圓!!!!
馬卡龍樣靚，甜度亦唔會太高，外脆內軟。蛋糕有芝士蛋糕、蘋果金寶、班蘭蛋糕和綠茶蛋糕等…正好前排好想食班蘭蛋糕，呢度就有喇，蛋糕好鬆軟呀～
芝士蛋糕幾軟滑！
一口一小個蛋糕仔
最估唔到係呢個西米露放左D小丸子 
最後，我地整左窩夫，整作方法亦好簡單：先噴上一些牛油，然後倒上粉漿，等2:30分鐘咁就得喇!非常簡單呢
可以揀落錬奶、砂糖，我就揀左「筆」三大球movenpick雪糕呀，仲有D topping!!
餐廳用左movenpick雪糕，食完窩夫，我同朋友亦食多幾球雪糕先滿足！朱古力雪糕最好食，朱古力味最濃。
全晚整體幾滿意，侍應執碟快而且好有禮貌，見我唔係好識點整個窩夫，都會主動過黎幫我。野食方面同價錢成正比，始終一分錢一分貨，海鮮刺身選擇較少，但甜品種類真係令我眼前一亮，三個鐘內可以慢慢食~~星期一就真係最抵食!價錢方面:
自助晚餐: 6:30-9:30
星期一至四 $338(成人)，$258 (小童及長者)
星期五至日 $368(成人)，$288 (小童及長者)
星期一有7折優惠，另收加一服務費
張貼
